Міністэрства адукацыі і навукі Латвіі плануе з 2026/2027 навучальнага года забараніць школьнікам выбіраць рускую мову ў якасці другой замежнай, піша Бі-бі-сі.
Згодна з планам, другой замежнай мовай ва ўсіх навучальных установах краіны можа быць толькі адна з афіцыйных моў ЕС. Выключэнне будзе зроблена для моў, вывучэнне якіх рэгулюецца асобнымі міжурадавымі дамовамі.
Паколькі руская мова не з'яўляецца мовай ЕС і не фігуруе ў адпаведных міжнародных дагаворах, фактычна гэта азначае забарону на яе вывучэнне ў школах як другой замежнай.
На сённяшні дзень першую замежную мову ў латвійскіх школах вучаць ужо з першага класа, і часцей за ўсё гэта англійская.
Другую замежную пачынаюць вучыць з чацвёртага класа, і яе выбар заканадаўча пакуль ніяк не рэгулюецца. Больш за тое, як паказала праведзенае ў 2021 годзе апытанне, амаль у палове латвійскіх школ ніякага выбару няма: больш чым у 300 школах у якасці другой замежнай прапануецца толькі руская.
У Міністэрстве адукацыі Латвіі зыходзяць з таго, што запланаваныя змены «будуць спрыяць паўнавартаснаму ўключэнню моладзі ў адукацыйную прастору Еўропы».
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень11
Каментары