Мінабароны папярэджвае пра рух вайсковай тэхнікі па дарогах агульнага карыстання
У рамках праверкі баявой гатоўнасці Узброеных Сіл, падраздзяленні сіл неадкладнага рэагавання са складу 11-й і 19-й асобных механізаваных брыгад атрымалі задачы здзейсніць марш на палігоны Узброеных Сіл, у тым ліку з пераадоленнем водных перашкод. Пра гэта паведамляе Мінабароны.
Пасля прыбыцця ў прызначаныя раёны войскам трэба будзе выканаць пастаўленыя вучэбна-баявыя задачы ў адпаведнасці з іх прызначэннем.
Мінабароны звяртае ўвагу, што па краіне запланавана перамяшчэнне вайсковай тэхнікі і асабістага складу, магчыма часовае абмежаванне руху грамадзян (транспарту) па асобных дарогах агульнага карыстання і ўчастках мясцовасці. Канкрэтныя раёны руху вайскоўцаў не называюцца.
Учора ў Беларусі пачалася раптоўная праверка баявой гатоўнасці войскаў.
Каментары