У Лунінцы праводзяць хуткую мадэрнізацыю казармаў для расійскіх вайскоўцаў
Казармы на вайсковым аэрадроме ў Лунінцы павінны быць гатовыя да вайсковых вучэнняў, пачатак якіх запланаваны на 16 студзеня. Генпадрадчыкам будаўніцтва з'яўляецца Лунінецкае ПМК-19. Але з-за таго, што аб'ект у строй трэба ўвесці тэрмінова, у капітальным будаўніцтве ўдзельнічаюць розныя арганізацыі, паведамляе сайт «Медыя-Палессе».
Ва ўсіх, хто працуе на будоўлі, паводле інфармацыі выдання, забіраюць тэлефоны пры ўваходзе на аб'ект, таму зняць саму будоўлю няма магчымасцяў.
Як расказаў «Медыя-Палессю» адзін з будаўнікоў, праца вядзецца пад наглядам узброеных людзей.
Матэрыялы і абсталяванне для казармы выкарыстоўваюцца самыя сучасныя. Таксама цалкам перабудаваная дарога пры ўездзе на вайсковую базу. Для пашырэння дарогі высякаліся векавыя лясы.
Вайсковы аэрадром у Лунінцы задзейнічалі падчас сумесных з Расіяй вучэнняў. На аэрадром прыбылі расійскія СУ-35, пазней — штурмавікі СУ-25см. На баявое дзяжурства заступілі ЗРК С-400 і «Панцыр-С».
Перад уварваннем расійскіх войскаў ва Украіну ў Лунінецкі раён прыязджаў Лукашэнка. Неаднаразова ў Лунінцы была заўважаная расійская вайсковая тэхніка. З мясцовага вайсковага аэрадрома рэгулярна ўзляталі самалёты, над галовамі жыхароў Лунінецкага раёна праляталі ракеты, а на чыгуначнай станцыі выгружалі боепрыпасы.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень10
Каментары