Пад Магілёвам на адной з дарог машыны садзяцца на днішча і застаюцца ў гразі гадзінамі ВІДЭА
Чытачы выдання «Магілеў.Анлайн» прыслалі відэа, на якім бачна, як цяпер выглядае паварот у садовае таварыства «Авангард» пад Магілёвам. Па іх словах, кожны год вясной гэтую дарогу каля вёскі Гуслішча размывае так, што праехаць абсалютна немагчыма.
Кожны метр дарогі — салома, палкі, распавядаюць чытачы. На дно садзіцца практычна кожная машына меншага памеру, большыя яшчэ так-сяк выцягваюць. Шмат каму даводзіцца так стаяць гадзінамі.
Пры гэтым відавочцы, якія згубілі на гэтай дарозе тры гадзіны, сцвярджаюць, што «ў аб'езд не праехаць, спецыяльна насыпаюць агароджы з зямлі, застаецца адна дарога, па якой не праехаць. А дамоў больш за тысячу. Проста стаміліся ад такога стаўлення да людзей».
Відэа сапраўды ўражвае. Здаецца, што машына, якая спрабуе вырвацца з гразі, вось-вось выбухне ад напружання.
Каментары