Апеляцыйны суд Парыжа ў сераду пакінуў у сіле прысуд былому прэзідэнту Францыі Нікаля Сарказі па справе аб гандлі ўплывам. Пра гэта паведаміла Agence France-Presse.
Паводле інфармацыі агенцтва, палітыку прызначылі адзін год рэальнага турэмнага зняволення і два гады пазбаўлення волі ўмоўна.
У верасні 2021 года суд Парыжа прызнаў 23-га прэзідэнта Францыі вінаватым у незаконным фінансаванні выбарчай кампаніі і прысудзіў яго да аднаго года пазбаўлення волі. Сарказі меўся адбываць тэрмін па-за турмой і з электронным бранзалетам.
Суд прызнаў, што Сарказі падчас перадвыбарнай кампаніі ў 2007 годзе перавысіў ліміт выдаткаў, усталяваны законам. Згодна з заявай суда, Сарказі працягваў праводзіць мітынгі, калі патраціў больш за 42 мільёны еўра замест дапушчальных 22 мільёнаў еўра.
У сакавіку 2021 года Сарказі быў асуджаны да трох гадоў турэмнага тэрміну паводле абвінавачання ў карупцыі і гандлі ўплывам. Тады паведамлялася, што ён павінен адбыць год у турме, а два ўмоўна.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей1
Каментары
не тое, што у нас