Хлопец набыў скрэтч-карту на запраўцы за пяць еўра.
Украінец, які выехаў у Бельгію ў пачатку поўнамаштабнага ўварвання Расіі як бежанец, выйграў 500 тысяч еўра ў імгненную латарэю. Пра гэта ў панядзелак паведаміла Нацыянальная латарэя Бельгіі ў прэс-рэлізе, піша «Еўрапейская праўда».
Мужчына-ўкраінец ва ўзросце ад 18 да 24 гадоў, які жыве ў Брусельскім сталічным рэгіёне, набыў скрэтч-карту на запраўцы 16 мая за пяць еўра. Адзін з нумароў быў выйгрышным.
Прадстаўніца бельгійскай Нацыянальнай латарэі адзначыла, што з афармленнем дакументаў на выйгрыш хлопцу дапамаглі сябры.
«Яго пачуцці былі вельмі змяшанымі. Ён відавочна думаў пра Украіну, а ў гэты час цяжка радавацца пры тым, што адбываецца ў тваёй краіне. Але ў той жа час, вядома, ён быў вельмі рады сваёй перамозе і, перш за ўсё, поўны надзеі», — распавяла прадстаўніца латарэі Жоўк Вермер.
Хоць Нацыянальная латарэя Бельгіі традыцыйна не раскрывае інфармацыі пра асобу пераможцы, Вермер адзначыла, што хлопец цяпер працуе ў краіне як бежанец, але імкнецца як мага хутчэй вярнуцца дадому.
Выйгрыш хлопец плануе патраціць на дапамогу Украіне, але спачатку «хоча арганізаваць вечарыну тут, у Бельгіі, для сям'і і сяброў, якія клапаціліся пра яго і дапамаглі яму інтэгравацца ў краіну».
Усяго з пачатку поўнамаштабнага нападу Расіі на Украіну Бельгія прыняла як мінімум 65 тысяч украінскіх бежанцаў.
-
Вучыч прывёў у прыклад беларускую роўнасць рэгіёнаў і паставіў Барысаў у адзін шэраг з Мінскам
-
Украіна створыць Нацыянальны пантэон у Кіева-Пячэрскай лаўры. Чым ён будзе адрознівацца ад афіцыёзнага пантэона ў Беларусі?
-
У Тэгеране праходзіць развітанне з Алі Хаменеі: Мядзведзеў пагражае блакадай праліваў, а новы лідар Ірана хаваецца ў бункеры
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі11
Каментары