Нацыянальны цэнтр абароны персанальных даных паведаміў, што Беларускі дзяржаўны ўніверсітэт накіраваў у яго адрас інфармацыю аб узломе сваёй інфармацыйнай сістэмы.
«Паводле інфармацыі Беларускага дзяржаўнага ўніверсітэта, накіраванай у цэнтр, быў ажыццёўлены несанкцыянаваны доступ да інфармацыйнай сістэмы БДУ, пры якім зламыснікамі былі незаконна атрыманыя персанальныя даныя каля шасці тысяч чалавек», — гаворыцца ў паведамленні. Па гэтым інцыдэнце будуць прымацца «прадугледжаныя заканадаўствам меры».
Раней «Кіберпартызаны» паведамлялі, што ўзламалі сайты БДУ і абяцалі вярнуць інфармацыю, калі ўлады выпусцяць 50 палітвязняў.
Прэс-служба БДУ, у сваю чаргу, зразу заняла пазіцыю прымяншэння праблемы, зводзячы яе да «DDoS-атакі» і «тэхнічнага збою»: «Інфармацыя пра DDoS-атаку на БДУ, якая распаўсюджваецца ў інтэрнэце, недакладная. Ва ўніверсітэце адбыўся тэхнічны збой функцыянавання сістэмы апрацоўкі даных. Скрын і фота, якія распаўсюджваюцца, недакладныя, сфальсіфікаваныя, яны прайшлі апрацоўку ў графічных рэдактарах».
Цяпер, аднак, мусілі афіцыйна прызнаць, што ўсё сур'ёзна.
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі9
Каментары