«Спісы ўдзельнікаў не вяліся, атрымаць іх ніхто не мог». Беларускі моладзевы хаб пракаментаваў сітуацыю з арганізаваным КДБ «семінарам па бяспецы»
Беларускі моладзевы хаб у Варшаве выдаў каментар адносна скандальнай сітуацыі з «семінарам па бяспецы», які праводзіўся ў яго памяшканні ў суботу, 18 лістапада. Падчас гэтага мерапрыемства выявілася, што на яго арганізацыю даў грошы беларускі КДБ, а арганізатар, актывіст БХД Алег Аксёнаў, супрацоўнічае з гэтай структурай, сам таго не ведаючы, яшчэ з вясны.
Беларускі моладзевы хаб тлумачыць сітуацыю адносна сваіх сувязяў з Алегам Аксёнавым:
«Гэтая асоба была верыфікаваная, у падазроных дзеяннях раней заўважаная не была. Да паўсядзённай дзейнасці Хаба Алег Аксёнаў дачынення не мае, доступу да ніякай інфармацыі не атрымліваў. Хаб — адкрытая пляцоўка для рэалізацыі праектаў, сустрэч і мерапрыемстваў для актывістаў і ініцыятыў. На запыт спадара Аксёнава Хаб даў залю і тэхнічнае абсталяванне для правядзення івэнту».
Пры гэтым БМХ падкрэслівае:
«Мерапрыемства было адкрытае і публічнае, на яго мог прыйсці любы ахвотны без рэгістрацыі і падачы персанальных даных. Анонсы былі змешчаныя на розных пляцоўках, у тым ліку нашых сацсетках. Удзел у такіх мерапрыемствах законны як у Польшчы, так і ў Беларусі».
Пры гэтым:
«Спісы ўдзельнікаў не вяліся, таму і атрымаць іх ніхто, у тым ліку прапагандысты, не мог».
Дзеянні супрацоўнікаў Хаба, паводле іх запэўнення, адпавядалі інструкцыі бяспекі, і яны маюць намер надалей праводзіць як адкрытыя, так і закрытыя мерапрыемствы, «клапоцячыся пра дадатковыя меры бяспекі там, дзе гэта мае сэнс».
Адшукалі чалавека, які, меркавана, пераводзіў грошы Алегу Аксёнаву ад КДБ
«Першыя дзве хвіліны думаў, што гэта жарт». Наведнік семінара па бяспецы, да якога далучыўся КДБ, расказаў, што там адбывалася
«Нават такія сівыя бабры патрапляюць у пастку». Алег Аксёнаў патлумачыў, як яго развёў КДБ
Афіцэр КДБ уключыўся ў жывы эфір семінара па бяспецы ў Беларускім моладзевым хабе
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны17
Каментары