Пасажырамі на борце Falcon, які знік у гарах Афганістана, былі муж і жонка Ганна і Анатоль Еўсюковы — прадпрымальнікі з Валгадонска. Жанчыну на апараце ШВЛ везлі з Тайланда на экстранную шпіталізацыю.
Муж з жонкай прыляцелі на адпачынак у Тайланд 15 снежня звычайным рэйсам, піша «База». З імі быў сын Віталь. Праз пару дзён Ганне стала дрэнна. Яе паклалі ў бальніцу і выявілі нейкую інфекцыю.
Жанчыну падключылі да апарата ШВЛ. Мужу тайскія дактары парэкамендавалі везці жонку ў Расію.
Сямʼя замовіла прыватны борт. Джэт з Анатолем і яго жонкай вылецеў з Тайланда 20 студзеня. У Індыі здзейснілі дазапраўку. Далей яны павінны былі дазаправіцца ў Ташкенце і ляцець у Маскву.
Аднак над Афганістанам пілоты паведамілі аб праблеме з рухавіком і з палівам. Борт упаў у гарах.
Сын Віталь вылецеў з Тайланда звычайным рэйсам. Паводле звестак «Базы», ён ужо прыляцеў у Расію, дзе даведаўся пра гібель бацькоў.
Таксама на борце, папярэдне, было чацвёра расіян — членаў экіпажу.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
А калі вы яе падхапілі, то лепш лячыцеся тутака: у тым жа Тае, Вьетнаме медыцына на высокім узроўні (у буйных гарадах так дакладна). Проста абавязкова мусіць быць добрая страхоўка плюс ліміт на крэдзітке паболейшы.