На працягу тыдня бацька з сынам здымалі лінзы люстэркаў задняга віду з аўтамабіляў у розных раёнах Мінска. Вядома пра 9 крадзяжоў на агульную суму больш за 10 тысяч рублёў, піша МУС.
На відэа мужчына гаворыць, што браў сына-падлетка, бо сам не разбіраўся ў тэхніцы.
«Мужчына вазіў па горадзе падлетка, які паказваў яму, дзе прыпаркаваныя дарагія BMW. Прымаючы меры канспірацыі, фігуранты здымалі вонкавыя элементы і з'язджалі», — паведамляе МУС.
38-гадовага мужчыну і яго 15-гадовага сына затрымалі на месцы злачынства.
Каментары