Каталіцкі святар з Мастоўскага раёна пражыў 63 гады.
Ксёндз канонік Рышард Якубец памёр 22 мая, паведамляе catholic.by.
Рышард Якубец нарадзіўся 23 сакавіка 1961 г. Паходзіў з парафіі Найсвяцейшай Тройцы ў Струбніцы (Гродзенская дыяцэзія, Мастоўскі дэканат). Быў высвячаны ў святары ў Рызе ў 1987 г. біскупам Янісам Цакулсам.
Пасля пасвячэння служыў на працягу года ў Латвіі, потым вярнуўся ў Беларусь. Быў вікарыем у парафіі св. Вацлава ў Ваўкавыску, таксама служыў, між іншым, у Шчучыне, Каменцы, Дзембраве.
Прычыніўся да аднаўлення знішчанага касцёла святых апосталаў Пятра і Паўла ў Ражанцы і будаўніцтва двух новых касцёлаў: Маці Божай Тройчы Цудоўнай у Мастах і святога Яна Хрысціцеля ў Правых Мастах.
З 1992 г. да смерці быў пробашчам парафіі Адведзінаў Найсвяцейшай Панны Марыі ў Мікелеўшчыне (Мастоўскі дэканат).
Развітанне з ім адбылося пазаўчора.
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?1
Каментары