У справе смерці зоркі серыяла «Сябры» Мэцью Пэры з'явіліся абвінавачаныя, іх пяцёра
Расследаванне выявіла «шырокую падпольную злачынную сетку» пастаўшчыкоў наркотыкаў, якія ў велізарных колькасцях распаўсюджвалі кетамін.
Паліцыя Лос-Анджэлеса назвала пяцярых абвінавачаных па справе аб смерці акцёра Мэцью Пэры, найбольш вядомага па ролі ў серыяле «Сябры» і які памёр у канцы кастрычніка мінулага года ад перадазіроўкі наркотыкаў. У іх ліку асабісты памочнік зоркі і двое яго дактароў, піша Бі-бі-сі.
Як заявілі ў прэс-службе паліцыі, пачатае ў маі расследаванне выявіла «шырокую падпольную злачынную сетку» пастаўшчыкоў наркотыкаў, якія ў велізарных колькасцях распаўсюджвалі кетамін.
Цела 54-гадовага Пэры было знойдзена ў яго дома ў Лос-Анджэлесе ў кастрычніку. Праведзеная судова-медыцынская экспертыза паказала наяўнасць у крыві акцёра высокай канцэнтрацыі кетаміну — наркатычнага рэчыва, абарот якога строга кантралюецца дзяржавай, — а перадазіроўка якім і прывяла да смяротнага выніку.
«[Названыя] абвінавачаныя скарысталіся залежнасцю містэра Пэры з мэтай асабістага ўзбагачэння, — заявіў у чацвер пракурор ЗША Марцін Эстрада. — Яны ведалі, што для Пэры іх дзеянні ёсць вялікай небяспекай, але ўсё роўна здзейснілі задуманае».
Трое абвінавачаных, у тым ліку асабісты памочнік Пэры, ужо прызналі сваю віну па абвінавачванні ў захоўванні наркотыкаў.
Двух іншых — аднаго з дактароў кіназоркі і наркадылерку, якая праходзіць пад псеўданімам «Каралева кетаміну», — у чацвер арыштавалі.
Кетамін — магутны абязбольвальны сродак — выкарыстоўваецца ў лячэнні цяжкай дэпрэсіі, трывожнага расстройства і моцных боляў.
Блізкія загінулага акцёра распавялі следчым, што Пэры праходзіў курс інфузійнай тэрапіі кетамінам, аднак апошні сеанс быў праведзены больш чым за тыдзень да яго смерці.
Згодна з заключэннем судмедэкспертаў, перыяд паўраспаду кетаміну ў арганізме чалавека занадта кароткі, а таму на наступствы інфузійных тэрапіі вынік пасмяротных аналізаў спісаць ніяк нельга.
Па словах таксіколага, канцэнтрацыя кетаміну ў арганізме акцёра была параўнальная з аналагічным паказчыкам пры агульнай анестэзіі.
У абвінаваўчым заключэнні, перададзеным у Федэральны суд, падрабязна апісана заблытаная схема набыцця наркотыкаў, якая, на думку абвінаваўцаў, у канчатковым выніку і прывяла да смерці Пэры.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
Да падробнасьцяў справы: перасьледуюцца людзі якія дапамагалі чалавеку суцішыць БОЛЬ. Заўзёды ў дзяржабы гучыць рэфрэнам і страшэннае злачынства ўзбагачэньня. Вядома, трэ быць жабракамі. Аж такімі ўзбагачальнымі забароненыя рэчывы робіць менавіта забарона.
P.S. Нават каткам і хатнім гадаванцам загадана пакутаваць, аж да лукашэнак па Сьвеце пазабаранялі-пазарэгулявалі кэтаноіды.
P.P.S. Істотны момант, пазываецца не спадкаемца памерлага, як ў сапраўдных злачынствах, а пракурор!