Былы намеснік міністра абароны Польшчы: Чаму б не пачаць фармаванне Беларускага легіёна ў Польшчы?
З такой прапановай у калонцы ў выданні Wprost.pl выступіў экс-намеснік міністра абароны Польшчы, былы камандуючы польскімі сухапутнымі войскамі, генерал-лейтэнант у адстаўцы Вальдэмар Скшыпчак, піша «Радыё Свабода».
Ён нагадаў, што ў Польшчы ўжо дзейнічае Украінскі легіён. У ім грамадзяне Украіны праходзяць вайсковую падрыхтоўку перад тым, як заключыць кантракт з УСУ.
«Мы не з'яўляемся непасрэднымі ўдзельнікамі вайны ва Украіне. Мы падтрымліваем ваюючага суседа ў межах кааліцыі. Мы аказваем дапамогу, сярод іншага — навучаннем Украінскага легіёна. Чаму б не пачаць фармаванне Беларускага легіёна?» — пытае адстаўны польскі генерал.
Ён піша, што ў Аляксандра Лукашэнкі «на руках кроў тысяч нявінных». На яго думку, калі Пуцін паспрабуе спыніць ваенныя дзеянні ва Украіне, адной з умоваў уступлення ў перамовы з удзелам Захаду павінна стаць перадача беларускага дыктатара ў рукі міжнароднага трыбунала.
«Польшча як дзяржава, на якую напала Беларусь, мае права ўдзельнічаць у звядзенні рахункаў з камандай забойцаў Лукашэнкі і, перш за ўсё, у паскарэнні падзення яго рэжыму», — зазначыў ён.
Былы намеснік міністра абароны Польшчы мяркуе, што авантурызм Лукашэнкі абумоўлены тым, што ЕС па-ранейшаму мала абмяжоўвае мінскі рэжым.
«Трэба сабраць сотні брусельскіх чыноўнікаў і прывезці іх на нашу мяжу з Беларуссю. Можа быць, гэта заахвоціць іх задумацца аб бяспецы і будучыні Еўропы», — прапанаваў Скшыпчак.
Ён адзначыў, што «колькасць грамадзян Беларусі, якія знаходзяцца ў вымушанай эміграцыі, вялікая».
«Ва Украіне ваюе полк Каліноўскага, набраны з беларусаў. Што перашкаджае ЕС пачаць ставіць перад Лукашэнкам выразна пэўныя ўмовы?» — пытаецца Вальдэмар Скшыпчак, заклікаючы «выставіць Мінску рахунак за бандытызм».
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары