У Беслане ў Пуціна спыталі, чаму СК РФ яшчэ не скончыў расследаванне тэракта 20-гадовай даўніны
Пуцін абяцаў яшчэ ў 2005 годзе завяршыць расследаванне тэракту ў Беслане і расказаць «усю праўду».
Уладзімір Пуцін падчас візіту ў Беслан сустрэўся з прадстаўніцамі «Маці Беслана». Як распавяла «Агенцтву» сустаршыня арганізацыі Анета Гадзіева, жанчыны паскардзіліся на тое, што расследаванне тэракту зацягнулася на 20 гадоў.
Па словах Гадзіевай, асноўная частка размовы была прысвечана расследаванню. Яны паскардзіліся прэзідэнту, што за 20 гадоў расследаванне так і не закрытае, праводзіцца «фармальна» і не ўлічыла факты, якія высветліліся падчас судовых працэсаў.
«[Сказалі], што мы лічым, што расследавання як такога не было. І што мы былі на сустрэчы з ім у 2005 годзе, і ён нам абяцаў, што возьме пад свой кантроль, аднак гэтага не адбылося. І што менавіта праз гэта мы не дамагліся ніякай праўды і дайшлі да Страсбурга, які вынес пастанову ў гэтай справе».
Па словах Гадзіевай, Пуцін адказаў, што не ведаў пра зацягнутае расследаванне.
«Ён сказаў, што [трэба] звярнуцца да Бастрыкіна [кіраўніка СК РФ], каб ён у сутнасць справы ўвайшоў і пракантраляваў, што там адбываецца, на якой стадыі і што вядзецца», — адзначыла яна.
У 2005 годзе старшыня камітэта «Маці Беслана» Сусана Дудзіева распавядала, што Уладзімір Пуцін паабяцаў сваякам ахвяр тэракту спрыяць завяршэнню расследавання:
«Прэзідэнт запэўніў нас, што ён зробіць усё, што ад яго залежыць, каб усе даведаліся праўду, а вінаватыя панеслі пакаранне. Ён сказаў, што зацікаўлены ў праўдзе, якой бы яна ні была, гэтак жа, як і ўсе, каб гэта не паўтарылася».
Тэракт у Беслане адбыўся 20 гадоў таму і стаў самым шматлікім па колькасці ахвяр у гісторыі сучаснай Расіі. Атрад тэрарыстаў захапіў школу ў Беслане раніцай 1 верасня 2004 года падчас святочнай лінейкі. У закладніках апынуліся больш за 1200 чалавек, большасць — непаўналетнія дзеці. Тэрарысты ўтрымлівалі іх у спартыўнай зале школы без ежы і вады тры дні. На трэці дзень спецслужбы пайшлі на штурм школы. У выніку тэракту загінулі 334 чалавекі, сярод якіх 186 дзяцей.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей2
Каментары