Абноўлена
Украінцы нанеслі ўдар па пароме з палівам у Керчанскім праліве. Паром затануў
У судна «Конро Трейдер» прыляцела крылатая ракета «Нептун».
Аператыўны штаб Краснадарскага краю заявіў, што ўдар быў нанесены па пароме, загружаным чыгуначнымі цыстэрнамі з палівам. Расійскія СМІ выказваюць меркаванне, што ў судна «Конро Трейдер» прыляцела крылатая ракета «Нептун».
У выніку атрыманых пашкоджанняў паром у акваторыі порта «Каўказ» затануў, паведаміў аперштаб Кубані.
Паводле пабліка «Крымскі вецер», расіяне перавозілі паліва выключна паромамі ў чыгуначных цыстэрнах. Яны баяліся, што ў выніку пападання ракеты па цягніку з палівам мост абрынецца.
«Конрад» — адзіны чыгуначны паром сярод шасці паромаў на Керчанскай пераправе, дадаюць «Важныя гісторыі».
Праезд па Крымскім мосце закрыты.
Каментары