Маладога крыптавалютчыка з Брэста хочуць раскулачыць на два мільёны даляраў
У міліцыі яго называюць арганізатарам групы, якая займалася незаконным абаротам крыптавалюты.
У 27-гадовага берасцейца, зарэгістраванага як індывідуальны прадпрымальнік, хочуць канфіскаваць больш за 2 млн даляраў, паведамляе прэс-служба МУС.
«З дапамогай спецыялізаваных біржаў малады чалавек здзяйсняў здзелкі па абмене крыптавалюты, у якасці пасярэдніка абналічваючы і канвертуючы, у тым ліку скрадзеныя ў беларусаў, грошы. Для транзіту сродкаў выкарыстаў зарэгістраваныя на замежных грамадзян банкаўскія аплатныя карты. Агульны абарот нелегальнага бізнэсу перавысіў 2 млн даляраў», — гаворыцца ў паведамленні.
У дачыненні да яго складзены адміністрацыйны пратакол за незаконную прадпрымальніцкую дзейнасць. Яму пагражае буйны штраф і зварот у даход дзяржавы канфіскаванай крыптавалюты, а таксама ўсёй сумы, якая прайшла праз яго кашалькі.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары