У Нацыянальным цэнтры электронных паслуг паведамілі, што даведацца пра тое, ці ёсць чалавек у базе незанятых грамадзян, беларусы могуць праз рэсурс «Е-Паслуга».
Новая электронная паслуга даступная на партале з 2 верасня.
З яе дапамогай можна паглядзець, ці ўносілі чалавека ў базу дармаедаў на працягу пяці гадоў. Код паслугі — 3.33.05.
Як піша БелТА, электронная паслуга аказваецца ў аўтаматычным рэжыме.
«Адказ на запыт прыходзіць па тэхналогіі «сістэма-сістэма» на падставе даных дзяржінформрэсурсу «База даных працаздольных грамадзян, не занятых у эканоміцы», — пракаментавалі ў цэнтры.
Пра апошнія змены па ўключэнні ў базу незанятых грамадзян можна пачытаць у нашым ранейшым артыкуле.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары