Навукоўцы знайшлі спосаб зрабіць памідоры саладзейшымі
Працяглая селекцыя памідораў зрабіла іх больш ураджайнымі, але забрала смак. Новае адкрыццё абяцае выправіць гэтую праблему.
Сёння ў пошуку салодкіх памідораў мы звычайна звяртаем увагу на дробныя гатункі кшталту чэры. А вось набываючы буйныя, мы рызыкуем не адчуць смаку. Як тлумачаць спецыялісты, прычына страты памідорамі салодкага смаку з'яўляцца вынікам барацьбы за павышэнне ўраджайнасці.
Як піша New Scientist, навукоўцы даўно шукалі спосаб вярнуць памідорам салодкі смак без страты іх ураджайнасці. Спецыялісты з Кітайскай акадэміі сельскагаспадарчых навук здолелі знайсці два гены, якія кантралююць выпрацоўку ў памідорах цукру.
З дапамогай «генетычных нажніц» CRISPR навукоўцы змаглі адключыць гэтыя гены ў адным з сартоў памідораў. Гэта прывяло да росту ўтрымання ў іх глюкозы і фруктозы адразу на 30% без зніжэння ўраджайнасці. Праведзеныя тэсты пацвердзілі, што на смак памідоры сталі саладзейшыя.
У той жа час генетычная мадыфікацыя прывяла да таго, што ў пладах паменшала ўтрыманне насення, якое да таго ж стала драбнейшым.
Навукоўцы адзначаюць, што вынікі іх даследаванняў не толькі дапамаглі палепшыць смак памідораў, але і дазволілі наблізіцца да разумення таго, як у гэтай гародніне выпрацоўваецца і захоўваецца цукар.
Вучоныя адзначаюць, што на смак памідораў уплывае яшчэ шмат іншых генаў, якія чакаюць свайго адкрыцця.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
Проста зараз ем салодкі і не "дубовы" са свайго агароду.