Свет пабачыла факсімільнае перавыданне першага паэтычнага зборніка Рыгора Барадуліна «Маладзік над стэпам».
Свет пабачыла факсімільнае перавыданне першага паэтычнага зборніка Рыгора Барадуліна «Маладзік над стэпам».
«Калі я прапанаваў такое, Рыгор Барадулін выказаў меркаванне, а ці варта перавыдаваць тыя даўнія вершы — часам наіўныя, часам «савецкія». Аднак я пераканаў дзядзьку Рыгора, што гэтая кніга — гісторыя, помнік мастацтва, артэфакт. І калі ён патрымаў перавыданне ў руках, то сказаў, што вельмі задаволены», — расказвае аўтар ідэі Глеб Лабадзенка.
Факсіміле зроблена з асобніка, які паэт падпісаў сваёй маці Акуліне Андрэеўне. І ўтрымлівае два аўтографы аўтара: «Дарагой маёй матулі шчыра дзякую і долу кланяюся, што нарадзіла, узгадавала, на правільны шлях наставіла. Твой сын Рыгор Барадулін. 30.VII.59 г.» і «Мой першы блін... Рыгор Барадулін».
Пра прэзентацыю зборніка пакуль цяжка гаварыць. Але Глеб Лабадзенка запэўнівае, што яна адбудзецца.
«Без дзядзькі Рыгора і гаворкі пра гэта быць не можа. Калі ён выпішацца з лякарні і будзе ягоная вялікая юбілейная вечарына, мяркую, прэзентуем там».
Паэтычны зборнік «Маладзік над стэпам» выйшаў у 1959 годзе.
Замовіць кнігу можна тут.
-
Ксёндз касцёла ў Жупранах грунтоўна адказаў на прэтэнзіі пра рамонт у храме, дзе пахаваны Багушэвіч
-
Уладзімір Някляеў з нагоды свайго 80‑годдзя напісаў сабе некралог — жартаўлівы і філасофскі
-
У Мінску зносяць міжваенную бальніцу працы французскага архітэктара. Знішчыць помнік дапамагалі два мясцовыя акадэмікі
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам5
Каментары