Дзевяць чалавек, сярод якіх двое дзяцей, пацярпелі 25 студзеня ў выніку аўтамабільнай аварыі ў Гомелі, паведамляе прэс-служба Міністэрства аховы здароўя.
Паводле інфармацыі ДАІ Гомельскай вобласці, аварыя адбылася каля 14:00. 31-гадовы кіроўца БМВ, які ехаў па вуліцы Мазурава, сутыкнуўся з «Пежо» пад кіраваннем 35-гадовага аўтамабіліста, які, «рухаючыся з боку вуліцы Агарэнкі, раптам спыніўся на скрыжаванні пры ажыццяўленні павароту налева».
Ад удару БМВ адкінула на паласу сустрэчнага руху, дзе ён сутыкнуўся з аўтамабілем «Сітраен» пад кіраваннем 61-гадовага кіроўцы.
У выніку пацярпелі дзевяць чалавек, у тым ліку двое дзяцей. Усіх пацярпелых агледзелі і накіравалі ў Гомельскую абласную бальніцу.
«Ва ўсіх пацыентаў дыягнаставаныя спалучаныя траўмы, пераломы, удары, чэрапна-мазгавыя траўмы. Дактары цяпер праводзяць кансіліумы, дыягнастычныя даследаванні ўсім пацярпелым у ДТЗ», — гаворыцца ў паведамленні Мінздароўя.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары