Ціханоўская: Гэта ніякія не выбары, а хутчэй «спецыяльная выбарчая аперацыя»
З нагоды «выбараў» 26 студзеня, якія праходзяць ва ўмовах рэпрэсій, Святлана Ціханоўская выступіла з заявай.
«Тое, што адбываецца сёння ў Беларусі — фарс і імітацыя. Гэта ніякія не выбары, а хутчэй «спецыяльная выбарчая аперацыя» па незаконным утрыманні ўлады Лукашэнкам», — заявіла Святлана Ціханоўская.
Яна адзначыла, што Еўрапейскі Саюз, Злучаныя Штаты, і 37 краінаў АБСЕ не прызналі цяперашнія «выбары». Заявы аб непрызнанні былі зробленыя яшчэ да дня галасавання.
«Беларусы ніколі не прымуць Лукашэнку. Ён злачынца, які захапіў уладу, і пры дапамозе Пуціна ўтрымлівае 9 мільёнаў беларусаў у закладніках. Тысячы знаходзяцца ў турмах за сваю палітычную і грамадскую пазіцыю.
Ён уцягнуў Беларусь у вайну, здае нашу краіну Расіі, стаў пагрозай нашым суседзям. Ён не прадстаўляе беларускі народ», — адзначыла дэмакратычная лідарка.
Яна паўтарыла, што рэжым павінен спыніць рэпрэсіі і вызваліць палітвязняў.
«Вінаватыя ў злачынствах мусяць быць пакараныя. Усе, хто вымушана выехаў, павінны мець магчымасць вярнуцца дамоў. Мы выступаем за нацыянальны дыялог, але які дыялог магчымы ва ўмовах тэрору?»
Святлана Ціханоўская дадала, што яны з паплечнікамі працягнуць прадстаўляць інтарэсы беларусаў і адстойваць дзяржаўнасць Беларусі.
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
-
Як цяпер выглядае старадаўні касцёл, на выратаванне якога дзяржава збірае ахвяраванні ФОТЫ
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
Я не могу скрывать свою печаль
Зачем лгала, зачем клялась в любви?
Ведь были ложью все слова твои...