Паплечнікі Трампа звязваліся з Цімашэнка і Парашэнкам для абмеркавання будучых выбараў прэзідэнта Украіны
Чатыры высокапастаўленыя члены атачэння Дональда Трампа вядуць сакрэтныя перамовы з палітычнымі апанентамі Уладзіміра Зяленскага ў Кіеве, піша Politico.
Чатыры высокапастаўленыя саюзнікі Дональда Трампа правялі сакрэтныя перамовы з некаторымі з галоўных палітычных праціўнікаў Уладзіміра Зяленскага ў Кіеве. Гэта адбываецца на фоне таго, што Вашынгтон узгадняе сваю пазіцыю з Масквой у спробах адхіліць украінскага прэзідэнта ад улады.
Па даных трох украінскіх дэпутатаў і амерыканскага рэспубліканскага эксперта ў сферы замежнай палітыкі, набліжаныя да Трампа асобы сустрэліся з адным з лідараў украінскай апазіцыі Юліяй Цімашэнка, якая вядомая сваёй амбіцыйнасцю, а таксама з высокапастаўленымі членамі партыі Пятра Парашэнкі, папярэдніка Зяленскага на пасадзе прэзідэнта.
Галоўнай тэмай абмеркаванняў было пытанне пра магчымасць правядзення хуткіх прэзідэнцкіх выбараў ва Украіне.
Саюзнікі Трампа ўпэўненыя, што Зяленскі прайграе выбары праз стомленасць грамадства ад вайны і незадавальнення ўзроўнем карупцыі. Сапраўды, яго рэйтынгі зніжаліся, але павысіліся пасля мінулага тыдня, калі ён быў выгнаны з Авальнага кабінета падчас эмацыйнай сустрэчы з прэзідэнтам Дональдам Трампам і віцэ-прэзідэнтам Джэй Дзі Вэнсам.
Апошнія сацыялагічныя даныя сведчаць, што Зяленскі ўсё яшчэ з'яўляецца галоўным фаварытам у гонцы за прэзідэнцкую пасаду.
Цяпер чытаюць
Як склаўся лёс інтэрнацыянальных дзяцей, якіх выхоўвалі ў Жодзіне ў першым у Беларусі дзіцячым доме сямейнага тыпу?5
Каментары
Чтобы назначить марионетку, которая подпишет капитуляцию Украины.