Мяняюць правілы палявання — Шуневіч хоча паляваць на бадзяжных сабак і катоў
У краіне прапануюць змены пра статус бадзяжных катоў і сабак. Падрабязнасці пакуль не называюцца, але гэта прапанова ад паляўнічых, і змены будуць істотнымі.
У Беларусі пачалі маштабную карэкціроўку правілаў палявання і вядзення паляўнічай гаспадаркі. Працэс узначальвае Міністэрства лясной гаспадаркі. Завяршыць працу над абноўленым дакументам плануецца да 2027 года. Зараз паступіла каля 100 розных прапаноў.
Адным з ключавых ініцыятараў зменаў выступае Беларускае таварыства паляўнічых і рыбаловаў, якое накіравала каля 20 сваіх ідэй.
Сярод найбольш значных — прапанова змяніць статус бяздомных сабак і бадзяжных катоў, расказаў кіраўнік арганізацыі Ігар Шуневіч.
Шуневіч не раскрывае падрабязнасці прапанаваных змен у правілах палявання на сабак і кошак, але расказаў, што бяздомныя сабакі часта збіваюцца ў зграі, з-за чаго цярпіць як дзікая прырода, так і сельская гаспадарка.
Што Шуневіч збіраецца рабіць з бадзяжнымі сабакамі і кошкамі, не называецца, але, як вынікае, з яго слоў, гэта будуць сур'ёзныя змены ў статусе бадзяжных жывёл і ў правілах палявання.
«Змяненні могуць быць як рэдактарскімі, так і больш сур'ёзнымі», — расказвае Шуневіч. Змены пра статус бадзяжных жывёл ён адносіць да другіх.
Каментары
у той час як у цывілізаваным свеце стэрылізуюць бадзяжных жывёлак і адпускаюць на волю,дык гэты сатанюга прыдумаў варварскую ідэю.
каб у цябе рукі адсохлі!
спадзяюся,валанцёры не пакінуць без увагі гэтыя заявы