«Раcтрушчэнне галавы». Сталі вядомыя прычыны смерці беларусаў, якія ваявалі за Расію
«Кіберпартызаны» паведамілі, што па просьбах сваіх падпісчыкаў выбарачна праверылі выкладзены днямі ўкраінскім праектам «Хачу жыць» спіс з 742 наймітаў з беларускімі пашпартамі, якія ваююць ва Украіне на баку Расіі.
Сапраўднасць спісу, паводле «Кіберпартызанаў», як мінімум часткова пацвярджаецца звесткамі з беларускіх дзяржаўных баз. На гэты момант нельга пацвердзіць магчымую цэнтралізаваную вярбоўку гэтых наймітаў на тэрыторыі Беларусі.
Выбарачная праверка некалькіх дзясяткаў прозвішча, імя паказала:
- Далёка не ўсе людзі са спісу мелі пашпарты Беларусі па стане на 2021 год. Магчыма, яны маглі атрымаць іх пазней.
- Большасць асоб, якія фігуруюць у спісе, усё ж такі з'яўляюцца грамадзянамі Беларусі. Сярод іх вялікая колькасць людзей з судзімасцямі, былых супрацоўнікаў МУС і КДБ.
- Многія са спісу маюць набытае грамадзянства Беларусі, а першапачаткова яны былі грамадзянамі Расіі або Украіны.
- Частка грамадзян са спісу даўно не знаходзіліся на тэрыторыі Беларусі, у тым ліку працавалі або адбывалі зняволенне ў Расіі.
- Далёка не ўсе смерці са спісу зафіксаваныя ў дзяржаўных базах Беларусі. Але калі зафіксаваныя, то супадаюць з датамі са спісу. Пры гэтым у людзей пазначаныя розныя прычыны смерці.
«Кібепартызаны» дзеля прыкладу падаюць звесткі на шэсць чалавек са спісу, якія фігуруюць у дзяржаўных базах памерлых з пазнакай прычыны смерці.
Дзяніс Мікалаевіч Грыцкевіч, дата нараджэння 31 кастрычніка 1987 года, памёр 21 студзеня 2024 года, прычына смерці — «ваенныя аперацыі, якія выклікалі пашкоджанні іншымі відамі выбухаў або аскепкамі».
Руслан Валянцінавіч Жаркоў, дата нараджэння 19 сакавіка 1989 года, памёр 28 жніўня 2023 года, прычына смерці — «пашкоджанні ў выніку ваенных дзеянняў, прычыненыя агнястрэльнай зброяй і іншымі відамі звычайнага ўзбраення».
Віталь Віктаравіч Бурштын, дата нараджэння 3 красавіка 1991 года, памёр 29 жніўня 2024 года, прычына смерці — «крывацёк, не класіфікаваны ў іншых рубрыках».
Руслан Мікалаевіч Бачкароў, дата нараджэння 24 чэрвеня 1978 года, памёр 18 красавіка 2024 года, прычына смерці — «іншыя ўдакладненыя траўмы з уцягваннем некалькіх вобласцяў цела».
Яўген Тадэвушавіч Станкевіч, дата нараджэння 15 жніўня 1991 года, памёр 5 мая 2024 года, прычына смерці — «раструшчэнне галавы».
Генадзь Паўлавіч Гарудка, дата нараджэння 12 сакавіка 1981 года, памёр 18 студзеня 2024 года, прычына смерці — «траўма неўдакладненага органа грудной поласці».
Усе пералічаныя, апрача Руслана Жаркова, мелі розныя праблемы з законам: былі ці судзімыя, ці абмежаваныя на выезд, ці аб'яўляліся ў вышук.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень10
Каментары
Вопросы?
З Берасця за учора змог знайсці там толькі адзінага чалавека з вельмі 'беларускай' фаміліяй Айтжанаў. Але пра гэтага зваршчыка, які працаваў у Берасці, паведамлялі ўжо раней.