У нядзелю 4 мая ў Румыніі прайшоў першы тур прэзідэнцкіх выбараў. Па даных экзітполаў, лідзіруе старшыня правага і нацыяналістычнага Альянса за яднанне румынаў Джорджэ Сіміён з 30-33%. Па 23% даюць правацэнтрысцскім кандыдатам Крыну Антанеску і Нікушору Дану.
Нагадаем, што па выніках папярэдняга першага тура, які адбыўся ў лістападзе 2024 года, перамог прарасійскі палітык Келін Джарджэску. Аднак Канстытуцыйны суд скасаваў вынікі з-за замежнага ўмяшання ў выбарчы працэс. Паводле даных спецслужбаў, за Джарджэску ў тыктоку агітавалі дзясяткі тысяч ботаў, якіх звязваюць з Крамлём.
Джарджэску выступаў за падзел Украіны між суседнімі дзяржавамі і апраўдваў дзеянні румынскіх фашыстаў-легіянераў часоў Другой сусветнай.
Да цяперашняга туру Джарджэску не дапусцілі. У яго найбольш папулярным кандыдатам стаў Джорджэ Сіміён, старшыня правага і нацыяналістычнага Альянса за яднанне румынаў. Агулам удзельнічаюць 11 зарэгістраваных кандыдатаў (чацвёра незалежныя).
38-гадовы Сіміён, які адносна нядаўна з'явіўся на палітычнай арэне, выступае за аб'яднанне Румыніі і Малдовы. Ён еўраскептык. У астатнім ягоныя палітычныя погляды блізкія да тых, якіх трымаюцца Джорджа Мелоні і «Альтэрнатыва для Германіі». Тэмай ягонай магістарскай працы былі «Злачынствы камуністычнага рэжыму».
За выхад у другі тур змагаюцца таксама два правацэнтрыскія кандыдаты. Гэта Крын Антанеску і Нікушор Дан.
Кансерватара Антанеску падтрымлівае ўрадавая кааліцыя, што складаецца з левацэнтрыстаў сацыял-дэмакратаў, правацэнтрыстаў з кансерватыўнай Нацыянал-ліберальнай партыі (НЛП) і партыі венгерскай нацыянальнай меншасці. 65-гадовы Антанеску раней уваходзіў у НЛП і быў спікерам Сената, ён правераная фігура на румынскім палітычным полі.
55-гадовы Дан — мэр сталіцы краіны Бухарэста. Дан раней узначальваў ліберальны Саюз за ўратаванне Румыніі (СУР), аднак на выбары ідзе як незалежны і антымэйнстрымавы кандыдат.
У дзень першага тура прэзідэнцкіх выбараў падвергліся маштабнай хакерскай атацы сайты румынскіх урадавых устаноў, а таксама рэсурсы асноўных супернікаў Джорджа Сіміёна — Крына Антанеску і Нікушора Дана. Адказнасць за атаку ўзяла на сябе прарасійская хакерская група NoName057 (16), якая дзейнічае з сакавіка 2022 года і адкрыта сімпатызуе Сіміёну, піша выданне Politico.
Другі тур выбараў пройдзе праз два тыдні, 18 мая.
На выбарах у Румыніі за выхад у другі тур змагаюцца нацыяналіст, ліберал і кансерватар
ЦВК Румыніі зняў Джарджэску з прэзідэнцкіх выбараў
У ахоўніка Джарджэску знайшлі 1,5 мільёна даляраў наяўнымі пад паркетам. Яшчэ 7,2 мільёны ён з братам атрымаў з Афрыкі
Фрыдман: Эпоха ліберальнай дэмакратыі завяршаецца
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай20
Каментары