U niadzielu 4 maja ŭ Rumynii prajšoŭ pieršy tur prezidenckich vybaraŭ. Pa danych ekzitpołaŭ, lidziruje staršynia pravaha i nacyjanalistyčnaha Aljansa za jadnańnie rumynaŭ Džordže Simijon z 30-33%. Pa 23% dajuć pravacentryscskim kandydatam Krynu Antaniesku i Nikušoru Danu.
Nahadajem, što pa vynikach papiaredniaha pieršaha tura, jaki adbyŭsia ŭ listapadzie 2024 hoda, pieramoh prarasijski palityk Kielin Džardžesku. Adnak Kanstytucyjny sud skasavaŭ vyniki z-za zamiežnaha ŭmiašańnia ŭ vybarčy praces. Pavodle danych śpiecsłužbaŭ, za Džardžesku ŭ tyktoku ahitavali dziasiatki tysiač botaŭ, jakich źviazvajuć z Kramlom.
Džardžesku vystupaŭ za padzieł Ukrainy miž susiednimi dziaržavami i apraŭdvaŭ dziejańni rumynskich fašystaŭ-lehijanieraŭ časoŭ Druhoj suśvietnaj.
Da ciapierašniaha turu Džardžesku nie dapuścili. U jaho najbolš papularnym kandydatam staŭ Džordže Simijon, staršynia pravaha i nacyjanalistyčnaha Aljansa za jadnańnie rumynaŭ. Ahułam udzielničajuć 11 zarehistravanych kandydataŭ (čaćviora niezaležnyja).
38-hadovy Simijon, jaki adnosna niadaŭna źjaviŭsia na palityčnaj arenie, vystupaje za abjadnańnie Rumynii i Małdovy. Jon jeŭraskieptyk. U astatnim jahonyja palityčnyja pohlady blizkija da tych, jakich trymajucca Džordža Miełoni i «Alternatyva dla Hiermanii». Temaj jahonaj mahistarskaj pracy byli «Złačynstvy kamunistyčnaha režymu».
Za vychad u druhi tur zmahajucca taksama dva pravacentryskija kandydaty. Heta Kryn Antaniesku i Nikušor Dan.
Kansiervatara Antaniesku padtrymlivaje ŭradavaja kaalicyja, što składajecca ź levacentrystaŭ sacyjał-demakrataŭ, pravacentrystaŭ z kansiervatyŭnaj Nacyjanał-libieralnaj partyi (NŁP) i partyi vienhierskaj nacyjanalnaj mienšaści. 65-hadovy Antaniesku raniej uvachodziŭ u NŁP i byŭ śpikieram Sienata, jon pravieranaja fihura na rumynskim palityčnym poli.
55-hadovy Dan — mer stalicy krainy Bucharesta. Dan raniej uznačalvaŭ libieralny Sajuz za ŭratavańnie Rumynii (SUR), adnak na vybary idzie jak niezaležny i antymejnstrymavy kandydat.
U dzień pieršaha tura prezidenckich vybaraŭ padvierhlisia maštabnaj chakierskaj atacy sajty rumynskich uradavych ustanoŭ, a taksama resursy asnoŭnych supiernikaŭ Džordža Simijona — Kryna Antaniesku i Nikušora Dana. Adkaznaść za ataku ŭziała na siabie prarasijskaja chakierskaja hrupa NoName057 (16), jakaja dziejničaje z sakavika 2022 hoda i adkryta simpatyzuje Simijonu, piša vydańnie Politico.
Druhi tur vybaraŭ projdzie praz dva tydni, 18 maja.
Na vybarach u Rumynii za vychad u druhi tur zmahajucca nacyjanalist, libierał i kansiervatar
CVK Rumynii źniaŭ Džardžesku z prezidenckich vybaraŭ
U achoŭnika Džardžesku znajšli 1,5 miljona dalaraŭ najaŭnymi pad parkietam. Jašče 7,2 miljony jon z bratam atrymaŭ z Afryki
Frydman: Epocha libieralnaj demakratyi zaviaršajecca
Kamientary