ПВК «Вагнер» рыхтуецца да поўнага выхаду з Афрыкі летам 2025 года.
Як стала вядома ВЧК-ОГПУ, наёмнікам з ПВК «Вагнер» паведамілі, што канчатковы выхад кантынгенту кампаніі з Афрыкі намечаны на чэрвень—ліпень 2025 года. Раней імі была «здадзена» Сірыя, а ў ЦАР і Малі «музыкантаў» разбавілі сіламі спецыяльна створанага ў Мінабароны Расіі падраздзялення «Афрыканскі корпус».
Да Новага года ў ПВК «Вагнер» набіралі наёмнікаў нават без досведу, а з студзеня 2025 года толькі тых, хто ўжо заключаў кантракт з кампаніяй.
ПВК «Вагнер» з нядаўніх часоў узначальвае былы спецназавец ГРУ Дзмітрый Падольскі з пазыўным «Салем». Ён замяніў іншага скампраметаванага камандзіра Антона Елізарава, які насіў пазыўны «Лотас».
Зусім нядаўна, 1 мая, «Салем», які займае афіцыйную пасаду дарадцы прэзідэнта ЦАР, выступаў у Рускім доме ў Бангі (сталіца Цэнтральна-Афрыканскай Рэспублікі) з нагоды 11-й гадавіны ПВК «Вагнер» з заклікам шанаваць запаветы заснавальнікаў кампаніі Яўгена Прыгожына і Дзмітрыя Уткіна.
Аднак, паводле звестак суразмоўцы ВЧК-ОГПУ, ужо ў найбліжэйшы час ПВК «Вагнер» будзе вымушана цалкам перадаць справы і пакінуць Афрыканскі кантынент.
Наёмнікам на словах абяцаюць базаванне ў Беларусі, але пакуль якіх-небудзь пацвярджэнняў гэтаму няма, піша ВЧК-ОГПУ.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары