Кіраўнік Паўночнай Карэі Кім Чэн Ын асабіста прысутнічаў на выпрабаванні двух новых тыпаў зенітных ракет, паведаміла дзяржагенцтва ЦТАК.
Галоўнае ўпраўленне ракетабудавання Карэйскай Народна-Дэмакратычнай Рэспублікі выканала стральбу мадыфікаванымі найноўшымі зенітнымі ракетамі двух тыпаў па розных мішэнях для праверкі іх баявых характарыстык, паведамляе агенцтва.
Паводле яго звестак, кіраўнік краіны наведаў выпрабаванні. Яны праводзіліся таксама пры ўдзеле некалькіх высокапастаўленых вайсковых чыноўнікаў, якія ацэньвалі баявыя характарыстыкі новых сістэм СПА, гаворыцца ў паведамленні.
«Падчас стральбы ацэнена, што найноўшая зенітна-ракетная сістэма мае выдатную баявую рэактыўнасць у дачыненні да розных паветраных цэляў, уключаючы ўдарныя беспілотнікі і крылатыя ракеты, а спосаб яе дзеяння і рэакцыі заснаваны на арыгінальнай і спецыяльнай тэхналогіі», сцвярджае агенцтва.
У апошнія дні сітуацыя на Карэйскім паўвостраве абвастрылася на фоне сумесных вайсковых вучэнняў ЗША і Паўднёвай Карэі, якія пачаліся 18 жніўня, а таксама напярэдадні саміту прэзідэнтаў дзвюх краін.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары