У цэнтры Гродна некалькі дзён таму з’явіўся бусел, які не спяшаўся адлятаць у вырай і нават не баяўся людзей. Яго бачылі на плошчы Леніна, у парку Жылібера, а таксама як ён спакойна пераходзіў дарогу па «зебры». Відэа з птушкай хутка разышліся ў тыктоку.
Жыхары горада занепакоіліся: звычайна буслы пакідаюць Беларусь у жніўні-верасні, таму прысутнасць птушкі ў горадзе выглядала дзіўна. Людзі падазравалі, што ён мог траўмавацца або дэзарыентавацца.
Гараджане некалькі разоў спрабавалі выклікаць службы, і толькі з чацвёртай спробы на месца прыехалі ратавальнікі і забралі бусла. Куды менавіта яго адвезлі — пакуль невядома.
Звычайна траўмаваных птушак у Гродне перадаюць у заапарк. Там іх лечаць, а калі дазваляе стан — вясной выпускаюць на волю. Але тыя, што ўжо не могуць лётаць, застаюцца там назаўжды.
Спецыялісты нагадваюць: калі вы сустрэлі дзікую жывёліну, якая выглядае параненай або дэзарыентаванай у гарадскіх умовах, трэба паведамляць у МНС ці міліцыю, а не спрабаваць дапамагаць самастойна. Апошняе можа быць небяспечна і для жывёліны, і для людзей.
Цяпер чытаюць
«За чатыры дні яе тройчы экстранна шпіталізавалі». Беларуска трапіла ў эміграцыйную турму ў ЗША пасля побытавай сваркі з партнёрам3
Каментары