Блогер з Гродна, якога абвінавацілі ў махлярстве на грашах для хворага дзіцяці, у інстаграме пракаментаваў сваю справу
17‑гадовы гродзенскі блогер Міхаіл Драгун, якога разам з ягонай 37‑гадовай партнёркай Яўгеніяй Тарасенка затрымлівалі па абвінавачванні ў махлярстве на зборы сродкаў для цяжкахворага дзіцяці, вярнуўся ў сацсеткі і пракаментаваў абвінавачанні. Нядаўна пару выпусцілі з-пад варты дахаты.
У сторыс хлопец прапанаваў чытачам задаць яму пытанні. Але яго адказы былі расплывістымі.
На пытанне, ці маглі б падзеі развівацца інакш, калі б не іх «прыгожае жыццё», блогер адказаў: «Я думаю, што я заўсёды прыгожа жыў — і з інтэрактывамі [розыгрышамі прызоў], і да іх. Не верце таму, што пішуць навіны. Уключыце мозг».
У яго спыталі пра «адносіны з Жэняй». «Няма нічога. Сітуацыі расстаўляюць усё на свае месцы», — напісаў Драгун.
Наконт віны і знікнення Тарасенка з сацыяльных сетак, хлопец напісаў крыху больш:
«Таму што ў адзін дзень у абодвух канфіскавалі ўсё. Усё, што было нажыта да [скандалу], таксама канфіскавалі. У яе няма доступу выйсці ў свет (я думаю так). Я б сядзеў на [дупе] роўна і маўчаў, калі б быў вінаваты. Як вы маглі ўжо зразумець, сваёй віны я не бачу. Жэнінай тым больш. Яна пайшла чыста з-за мяне… Да ніхто наогул не вінаваты, няхай спачатку дакладныя лічбы даюць, а потым ужо абвяшчаюць махлярамі», — напісаў блогер.
Больш падрабязна сутнасць абвінавачанняў і сваёй нязгоды з імі Драгун не раскрыў.
У адказ на адно з пытанняў — «Чым магу вам дапамагчы?» — ён размясціў заклік аб дапамозе ў зборы грошай на лячэнне Вані Сцяцэнкі, у якога цяжкая генетычная хвароба — міядыстрафія Дзюшэна.
4 лістапада стала вядома, што блогераў затрымалі па падазрэнні ў махлярстве ў асабліва буйным памеры. Паводле звестак МУС, яны збіралі грошы, праводзячы розыгрышы прызоў з платным удзелам — за 10 рублёў. Блогеры заяўлялі, што амаль уся сума пойдзе на лячэнне дзіцяці. Але з сабраных 1,5 мільёна рублёў маме дзіцяці аддалі толькі каля 200 тысяч.
7 лістапада абодва блогеры былі адпушчаныя пад падпіску.
Хто тыя 17‑гадовы блогер і яго 37‑гадовая нявеста, якія шыкоўна жылі на мільён, скрадзены са збору на хворае дзіця?
Былы муж блогеркі, якая разам з 17‑гадовым жаніхом шыкавала на сабранае для хворага дзіцяці, раскрытыкаваў тых, хто гэтыя грошы ёй пераводзіў
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці
Блогераў, якія прагулялі мільён дабрачынных грошай, адпусцілі дахаты
Маці хлопчыка з Гродна, якому дапамагалі збіраць грошы затрыманыя блогеры: Яны перадалі нам 257 тысяч, для нас гэта велізарныя грошы
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары