«Дзесяцігадовае дзіця АМАП пакладзе ў падлогу?» Трэш-блогер Mellstroy адрэагаваў на прызнанне сябе экстрэмістам
Мэлстрой публічна адрэагаваў на прызнанне яго каналаў і сімволікі «экстрэмісцкімі матэрыяламі», адзначыўшы, што не разумее, як можна абвінаваціць у экстрэмізме людзей, якія проста згадалі яго імя.
«Нарэзчыкам маіх ролікаў, скажу шчыра і проста — небяспечна. Шчыра, я не ўяўляю сабе ў галаве, якім чынам будуць падводзіць людзей, якія проста сказалі слова «Мэлстрой», пад экстрэмізм. Я гэтага зусім не разумею.
Напрыклад, дзесяцігадовае дзіця ў школе крыкне «плакі-плакі», і проста залятае АМАП, кладзе яго ў падлогу і вязе ў ІЧУ? Гэта ж трызненне, не?» — сказаў блогер у відэа, апублікаваным у яго сацсетках.
Нагадаем, што 4 лістапада 2025 года суд Цэнтральнага раёна Мінска на ініцыятыву ГУБАЗіК МУС прызнаў усе каналы Mellstroy на розных платформах, а таксама яго лагатып і вадзяныя знакі экстрэмісцкімі матэрыяламі.
МУС сцвярджае, што падчас кастрычніцкага конкурсу Mellstroy.game блогер праз інтэрнэт заклікаў людзей да супрацьпраўных дзеянняў, у тым ліку да парушэння грамадскага парадку. За ўдзел у гэтых «чэленджах» сілавікі ўжо затрымалі некалькі чалавек.
Адзін з найбольш абуральных эпізодаў адбыўся, калі 19‑гадовы мінчук, удзельнік конкурсу Mellstroy, бегаў па горадзе ў адных майтках, крычаў і скокнуў у вадаём. Суд прысудзіў яму 10 сутак арышту за «дробнае хуліганства».
Таксама былі зафіксаваныя выпадкі, калі ўдзельнікі чэленджаў размалёўвалі пашпарты, залазілі на аўтаматы з цацкамі і здымалі свае дзеянні на відэа. Міліцыя паведаміла, што працягвае шукаць іншых, хто «праяўляе неадэкватныя паводзіны».
Хто такі Mellstroy
Андрэй Бурым родам з Гомеля, яму 26 гадоў. Ён стаў вядомы ў 2020 годзе пасля скандальнага стрыму, падчас якога збіў дзяўчыну ў жывым эфіры. За гэта атрымаў паўгода папраўчых работ і штраф.
З таго часу Mellstroy жыве за мяжой і вядзе трэш-стрымы і чэленджы з абяцаннямі вялікіх грашовых узнагарод. У яго больш за 3,6 мільёна падпісчыкаў у тыктоку і каля 3 мільёнаў у інстаграме.
Што пагражае падпісчыкам
Пасля рашэння суда ўсе каналы Mellstroy, яго лагатып і нават вадзяныя знакі лічацца экстрэмісцкімі матэрыяламі.
Гэта значыць, што падпіска, рэпост, выкарыстанне лагатыпа ці нават каментар з яго нікам могуць быць расцэненыя беларускімі сілавікамі як удзел у распаўсюдзе экстрэмісцкіх матэрыялаў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары