«У мяне занятак усяго жыцця — гэта пошукі зніклых людзей», — казаў 34‑гадовы Максім Федаровіч, які адказваў за захад і поўнач Беларусі.
У Мінскім абласным судзе вынеслі прысуд 34‑гадоваму жыхару Маладзечна Максіму Федаровічу. Яго абвінавачвалі ў «садзейнічанні экстрэмісцкай дзейнасці» — ч. 1 і ч. 2 артыкула 361‑4 Крымінальнага кодэкса.
Паводле інфармацыі «Вясны», яму прысудзілі 3 гады калоніі. Таксама яму прызначылі штраф — 500 базавых велічынь (21 тысячу рублёў). Федаровіча абвінавачвалі ў дзевяці выпадках перадачы даных у Гаюн.
Максім Федаровіч — каардынатар пошукавага атраду «Анёл». Раней ён працаваў тэхнолагам на «Мінск-Крышталі», але цалкам змяніў жыццё пасля таго, як у 2017 годзе далучыўся да руху пасля маштабных пошукаў Максіма Мархалюка ў Белавежскай пушчы. З Маладзечна тады сабралі тры машыны, 14 чалавек.
«Тады я зразумеў, што проста не магу без гэтага. У людзей ёсць рыбалка, вандраванні, спорт як хобі, як занятак усяго жыцця. А ў мяне занятак усяго жыцця — гэта пошукі зніклых людзей. Яны займаюць амаль увесь мой вольны час. Мне, як і многім, даводзіцца ахвяраваць зносінамі з сябрамі, сям'ёй дзеля выратавання людзей», — прызнаваўся Максім.
«Наша Нiва» — бастыён беларушчыны
ПАДТРЫМАЦЬЦяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары