Уіткаф расказаў, якія чатыры дакументы абмяркоўвалі на перамовах з Украінай
Дэлегацыі Украіны і ЗША тры дні сустракаліся ў Маямі, каб абмеркаваць магчымае заканчэнне вайны.
У склад украінскай дэлегацыі ўвайшлі сакратар Рады нацыянальнай бяспекі і абароны Украіны Рустэм Умераў і начальнік Генеральнага штаба Узброеных сіл Украіны генерал-лейтэнант Андрэй Гнатаў.
Амерыканскую дэлегацыю прадстаўлялі спецыяльны пасланнік Трампа Стыў Уіткаф, Джарэд Кушнер і супрацоўнік Белага дома Джош Груэнбаўм. Да дыскусій таксама далучыліся ключавыя еўрапейскія дарадцы па нацыянальнай бяспецы.
«За апошнія тры дні ў Фларыдзе ўкраінская дэлегацыя правяла серыю прадуктыўных і канструктыўных сустрэч з амерыканскімі і еўрапейскімі партнёрамі», — паведаміў Уіткаф у X.
З Уіткафам і Кушнерам у Маямі таксама размаўляў спецыяльны пасланнік прэзідэнта Расіі Кірыл Дзмітрыеў, аднак яго Уіткаф не згадвае.
ЗША і Украіна ў гэтыя дні абмяркоўвалі чатыры дакументы:
план з 20 пунктаў, шматбаковая структура гарантый бяспекі, гарантыі бяспекі ЗША для Украіны, а таксама план эканамічнага развіцця і росквіту.
«Асаблівая ўвага была ўдзелена абмеркаванню тэрмінаў і паслядоўнасці наступных крокаў.
Украіна застаецца цалкам адданай дасягненню справядлівага і трывалага міру.
Нашым агульным прыярытэтам з'яўляецца спыненне забойстваў, забеспячэнне гарантаванай бяспекі і стварэнне ўмоў для аднаўлення Украіны, яе стабільнасці і доўгатэрміновага росквіту», — напісаў Уіткаф.
Умераў пасля сустрэчы апублікаваў такі ж самы тэкст.
Пуцін асабіста абраў Уіткафа ключавым перамоўшчыкам ад ЗША
«Зарабляйце, а не ваюйце». Трамп і Уіткаф вераць, што Пуцін можа пайсці на мір дзеля прыбыткаў. Або самі мараць аб зыску
Поўная расшыфроўка злітых перамоў спецпрадстаўніка прэзідэнта ЗША Стыва Уіткафа і прадстаўнікоў Пуціна Дзмітрыева і Ушакова
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары