У Літве затрымалі амаль 30 чалавек за арганізацыю кантрабанды з Беларусі на шарах
Літоўскія праваахоўныя органы затрымалі 28 чалавек у межах дасудовага расследавання справы аб кантрабандзе цыгарэт з Беларусі з выкарыстаннем метэаралагічных паветраных шароў. Сярод падазраваных — пяць меркаваных арганізатараў злачыннай схемы, паведамляе LRT.
Як паведаміў галоўны пракурор упраўлення па расследаванні арганізаванай злачыннасці і карупцыі Генеральнай пракуратуры Літвы Артурас Урбеліс, на гэтым этапе следства вызначыла 28 падазраваных. Пяць з іх, паводле версіі следства, кіравалі кантрабандай на літоўскім баку.
Мяркуецца, што арганізатарамі былі жыхары Салечніцкага раёна сталага веку, якія ўжо мелі судзімасці, у тым ліку за кантрабанду і незаконны абарот падакцызных тавараў.
Затрыманні адбыліся 3 снежня падчас маштабнай аперацыі праваахоўных органаў. Пракуратура ўжо звярнулася ў суд з хадайніцтвам аб выбары меры стрымання ў выглядзе арышту.
Намеснік кіраўніка Бюро крымінальнай паліцыі Літвы Саулюс Брыгінас паведаміў, што падазраваныя нібыта набіралі людзей для арганізацыі перапраўкі цыгарэт з Беларусі з дапамогай паветраных шароў і каардынавалі свае дзеянні са злачыннымі групамі, якія дзейнічалі на тэрыторыі суседняй краіны.
Наўседа: Я буду сярод тых, хто найбольш жорстка патрабуе падаўжэння санкцый ЕС супраць Беларусі
Наўседа: Транзіт угнаенняў немагчымы, пакуль ляцяць шары з Беларусі
Літва прыгразіла Беларусі новым закрыццём мяжы
Літва звернецца да ЗША ў справе апошняга выпадку з метэазондамі
У Вільні ўчора прызямліўся кантрабандны шар з беларускімі цыгарэтамі
Літоўскія ўлады канстатавалі паляпшэнне сітуацыі з кантрабанднымі шарамі з Беларусі
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары