Марына Адамовіч: Старыя коцікі нават праз пяць гадоў прызналі свайго гаспадара
«Ён пакуль дрэнна гаворыць, але хутка адновіцца, не сумняваюся! — расказала «Новай газеце Еўропа» праз тэлефон жонка Мікалая Статкевіча.
«Ён ужо цяпер гэта робіць лепш, чым нават гадзіну таму!»
Дома, акрамя Марыны, Мікалая чакала хуліганістая чарада сабак і катоў, якая крыху павялічылася.
«Нашы старыя коцікі нават праз пяць гадоў прызналі свайго гаспадара», — сказала Марына.
***
Пра вызваленне Міколы Статкевіча стала вядома ўчора, калі з'явіліся яго фоты дома ў Мінску.
Кандыдат у прэзідэнты на выбарах 2010 года быў затрыманы 31 мая 2020 года, калі ехаў на мітынг Святланы Ціханоўскай на Камароўку.
14 снежня 2021 года на закрытым судзе ў Гомелі асуджаны на 14 гадоў пазбаўлення волі асаблівага рэжыму паводле абвінавачання ў арганізацыі масавых беспарадкаў. Разам з ім асудзілі і іншых вядомых апанентаў улады. Пакаранне адбываў у калоніі ў Глыбокім, апошнія гады ўтрымліваўся ў рэжыме інкамунікада.
У 2020 годзе атрымаў прэмію імя Андрэя Сахарава.
11 верасня 2025 года Статкевіча нечакана вызвалілі разам з іншымі 51 палітвязнямі і хацелі прымусова выдварыць у Літву. Статкевіч, аднак, адмовіўся перасякаць мяжу і застаўся на тэрыторыі Беларусі. Пасля таго, як яго забралі лукашэнкаўскія сілавікі, пра ягоны лёс нічога не было вядома.
21 студзеня ў калоніі ён перанёс інсульт.
Каментары