Пяць тысяч руж і новыя экасцежкі: як зменіцца Партызанскі раён сталіцы гэтай вясной
У Партызанскім раёне Мінска пачынаецца маштабны сезон добраўпарадкавання. Як паведаміў дырэктар мясцовага «Зелянбуда» Віталь Весялоў, сёлета асноўны акцэнт зробяць на стварэнні зон для ціхага адпачынку і пашырэнні сеткі экалагічных маршрутаў у межах Сляпянскай воднай сістэмы, пішуць «Мінск-Навіны».
Новыя маршруты для прагулак
У раёне плануюць абсталяваць дзве новыя экалагічныя сцежкі. Першая пройдзе ад вуліцы Сталетава да Дзіцячай чыгункі, а другая — у межах вуліцы Сталетава, завулка Казлова і вуліцы Даўгабродскай. На гэтых участках абновяць пакрыццё дарожак і ўсталююць сучасную садовую мэблю. Праекты распрацоўваюць з улікам мінімальнага ўмяшання ў прыроднае асяроддзе.
Кветкавыя каскады і шматгадовыя расліны
Цэнтральныя вуліцы і раздзяляльныя палосы дарог упрыгожаць кашпо з петуніямі, што створыць эфект кветкавых каскадаў.
«Зелянбуд» паступова адмаўляецца ад аднагадовых кветак на карысць шматгадовых раслін, якія захоўваюць прыгажосць некалькі сезонаў.
Асаблівую ўвагу нададуць ружам: пасля станоўчых водгукаў мінчан мінулым летам, колькасць высаджаных кустоў павялічаць да 5 тысяч (летась было 4 тысячы).
Дэкаратыўныя кусты і дрэвы
Для азелянення прамысловых зон і паркаў ужо закуплена 4 тысячы дэкаратыўных кустоў, сярод якіх барбарыс і кізільнік. Таксама на тэрыторыі раёна высадзяць клёны, ясені і ліпы. Гэтыя пароды добра падыходзяць да мясцовага клімату, даюць шчыльны цень і эфектыўна чысцяць паветра.
Жыхароў раёна запрашаюць далучацца да азелянення падчас суботнікаў.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары