ГУР заявіў, што вывеў з ладу апошні чыгуначны паром Расіі ў Керчанскім праліве
У ноч з 5 на 6 красавіка ў выніку аперацыі ГУР МА Украіны быў знішчаны паром «Славянін», паведаміў ГУР. Паводле інфармацыі прэс-службы, гэта апошняе судна такога тыпу, якое расійскія войскі выкарыстоўвалі для чыгуначных перавозак праз Керчанскі праліў.
Паводле звестак ГУР, атака была ў ноч з 5 на 6 красавіка 2026. Ударамі БПЛА УСУ вывелі з ладу «Славяніна» — апошні чыгуначны паром расійскага войска ў Керчанскай пратоцы, што заставаўся на плаве.
«Славянін» адыгрываў важную ролю ў забеспячэнні расійскага вайсковага кантынгенту ў часова акупаваным Крыме паліўнымі матэрыяламі, узбраеннем, вайсковай тэхнікай і боепрыпасамі.
У сакавіку гэтага года спецпадраздзяленні ГУР вывелі з ладу іншы чыгуначны расійскі паром — «Авангарда» і тады ж нанеслі «Славяніну» пашкоджанні.
«Сістэмнае знішчэнне лагістычных магчымасцяў агрэсара працягваецца», — гаворыцца ў заяве ГУР.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны13
Каментары