«Не для простых смяротных». Беларусы шакаваныя цаной вады ў рэстаране
З прыходам цяпла попыт на ахаладжальныя напоі, вядома, расце. Але, як высветлілася, у некаторых рэстаранах задаволіць смагу — задавальненне амаль прэміяльнага ўзроўню, піша выданне Tochka.by.
Новую хвалю гастранамічных спрэчак запусціў у Threads беларус mc_maxim, які апублікаваў фатаграфію меню адной з мінскіх устаноў.
За 375 мл газаванай або негазаванай вады ў рэстаране просяць Br25, а за бутэльку аб’ёмам 750 мл — Br35.
Дзеля справядлівасці, гаворка ідзе не пра ваду з паліцы найбліжэйшага супермаркета. У меню пазначаная прэміяльная італьянская марка Filette, якая пазіцыянуецца як экалагічна чыстая вада высокага класа. Як заўважыла карыстальніца lacquerize, нават у розніцы маленькая бутэлька гэтага брэнда каштуе каля Br10. Аднак такі аргумент пераканаў не ўсіх.
Для многіх такі цэннік аказаўся, мякка кажучы, пераборам. Вось толькі частка рэакцый:
«Вада не для простых смяротных».
«Дорага».
«Вада не можа каштаваць $12, або ў 12 разоў даражэй за бензін. Пры ўсім жаданні».
«Жудасць».
«Маглі б смела 50 на ўсё ставіць».
У каментарыях звярнулі ўвагу і на іншыя напоі ў меню. Напрыклад, на кока-колу, якая ва ўстанове каштуе прыкладна ў пяць разоў даражэй, чым у краме. Аднак знайшліся і тыя, хто ў рэстаранных цэнах нічога незвычайнага не ўбачыў.
«Дык і вы не ў кіёску каля дома», — піша карыстальнік dmitry_leshok.
Яго падтрымалі і іншыя каментатары, нагадаўшы, што ў рэстаране плацяць не толькі за сам прадукт, але і за інтэр’ер, абслугоўванне, арэнду і статус установы. Таму параўноўваць такія цэны з крамнымі некарэктна.
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары
Спытал у гугла і ші аб колькасці абьеме вырабніцтва гэтай Філеты у гарах Апенінах
Адказ мае здагадкі )))пацвердзіл))))
Точных цифр общего годового объема производства в литрах в открытых источниках нет, так как марка позиционируется как премиальный, бутиковый продукт.
)))) Ну як Вам Філетта ))))
А итальянский воздух по 10 евро за вздох в меню есть?