МАРГ прызнала неэтычнай рэкламу шаўрмы: «абясцэньвае жыццё жывой істоты»
Малюнак з выявай курыцы і нажа, а таксама словамі пра жыццёвае прызначэнне кураняці МАРГ запатрабавала прыбраць.
Ілюстрацыйны здымак. Фота: vecteezy.com
Міністэрства антыманапольнага рэгулявання і гандлю вынесла прадпісанне ТАА «АрніваБел» за распаўсюд неналежнай вонкавай рэкламы аб'екта грамадскага харчавання «Шаўрма».
На рэкламным плакаце ў Мінску былі змешчаны выява курыцы і нажа, а таксама слоган: «Ён вылупіўся не для жыцця, а для ідэальнай шаўрмы».
«Рэклама парушае агульнапрынятыя нормы маралі, бо абясцэньвае жыццё жывой істоты, парушаючы прынцыпы гуманнасці, і ў сілу патрабаванняў заканадаўства аб рэкламе з'яўляецца неэтычнай», — рэзюмаваў МАРГ.
Ведамства загадала ліквідаваць парушэнне.
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі2
Каментары
Ну нічога, можна такую рэкламу зрабіць:
Лукашыстскі хлопчык з гальштукам БэРэСэМэ і подпіс - "ён нарадзіўся каб плаціць падаткі, а пазней загінуць за грошы Сям'і ў мясных штурмах".
І можна якога небудзь усміхаючыгася ПВТшнага/СЭЗнага лысага бізнесьмена на доле і каб ён казаў: "Законы працуюць, паўсюль стабільнасць, чым вы незадаволеныя, змагары?"
Если он в самом деле вылупился для жизни,то те. кто его жизни лишает на птицефабрике, должны сидеть в тюрьме