Абаронца зборнай Францыі будзе карміць піцай родную вёску падчас чэмпіянату свету
Максанс Лакруа, цэнтральны абаронца лонданскага «Крыстал Пэлас» і зборнай Францыі, зрабіў падарунак сваім асабістым заўзятарам.
На час чэмпіянату свету 2026 года ён аплаціць піцу для ўсіх жыхароў сваёй роднай вёскі Аж, размешчанай у дэпартаменце Дардонь, піша Onliner.by.
З такой ініцыятывай футбаліст выступіў асабіста, а радаснай навіной з прэсай падзяліўся мэр Ажа.
Насельніцтва вёскі складае ўсяго каля 350 чалавек. Цяпер кожны матч з удзелам «трохкаляровых» будзе суправаджацца ў Ажы сумесным паяданнем піцы.
Гісторыя сувязі абаронцы з вёскай даволі кранальная. У дзевяцімесячным узросце сям’я будучага гульца пераехала з Парыжа ў сельскую мясцовасць Дардоні. Менавіта там, будучы адзіным дзіцём у сям’і, Лакруа вырас і зрабіў першыя крокі ў футболе, перш чым адправіцца ў клуб «Сашо», а затым cкараць Бундэслігу і Прэм’ер-лігу.
Зборная Францыі стартавала на турніры 16 чэрвеня, абыграўшы Сенегал (3:1), але Лакруа на полі не выйшаў.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары