Адпаведнае паведамленне накіраваў кіраўніцтву палаты прадстаўнікоў Беларусі дацкі старшыня Паўночнай рады Хенрык Дам Крыстэнсен,
паведамляе прэс-служба арганізацыі.
У прыватнасці, інфармуе Крыстэнсен, адкладзены запланаваны на гэты год навучальны візіт у адну з краін — удзельніц арганізацыі палітыкаў з Беларусі. У лісце падкрэсліваецца, што супрацоўніцтва будзе адноўлена толькі пасля паляпшэння сітуацыі ў Беларусі і вызвалення ўсіх палітзняволеных.
Паўночная рада глыбока шкадуе аб арышце многіх апазіцыйных палітыкаў, у тым ліку шэрагу кандыдатаў у прэзідэнты, адразу пасля выбараў у снежні.
Прэс-служба адзначае, што на студзеньскім пасяджэнні прэзідыума Паўночнай рады было вырашана працягнуць падтрымку па развіцці дэмакратыі ў Беларусі, але адкласці запланаваны навучальны візіт палітыкаў з Беларусі, у якім павінны былі ўдзельнічаць як члены палаты прадстаўнікоў, так і апазіцыянеры.
Пачынаючы з 2007 года Паўночная рада ў партнёрстве з Балтыйскай асамблеяй правёў шэраг круглых сталоў, у якіх узялі ўдзел прадстаўнікі як беларускага парламента, так і апазіцыйных партый. Апошні круглы стол адбыўся ў Мінску ў сакавіку 2010 года.
Паўночная рада з'яўляецца арганізацыяй парламенцкага супрацоўніцтва краін Паўночнай Еўропы, аб'ядноўвае дэпутатаў парламентаў пяці дзяржаў (Данія, Ісландыя, Нарвегія, Фінляндыя, Швецыя) і трох аўтаномных тэрыторый (Аландскія астравы, Фарэрскія астравы і Грэнландыя).
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары