Адміністрацыя гімназіі ў Вяснянцы не каментуе інфармацыі.
Прэзідэнт Кыргызстана Роза Атунбаева у інтэрв’ю тэлеканалу Euronews паведаміла, што былы прэзідэнт Курманбек Бакіеў працягвае знаходзіцца ў Беларусі.
Канкрэтнае ж месцазнаходжанне Бакіева і ягоных сямейнікаў хаваецца. Адзін час з'явілася інфармацыя, што кіргізскіх гасцей Лукашэнкі пасялілі ў адной з запаведных зонаў, аднак існуюць падставы ў гэтым сумнявацца. У прыватнасці,
ёсць зьвесткі, што 9-гадовая дачка Бакіева вучыцца ў пачатковай школе пры статуснай гімназіі ў мінскім мікрараёне Вяснянка — тамсама, дзе і ўнучкі Аляксандра Лукашэнкі, паведамляе радыё "Свабода".
Бацькі пачаткоўцаў на ўмовах ананімнасці расказалі, што леташняй
восенню ў класе з'явілася дзяўчынка характэрнай азіяцкай знешнасці; да яе была прыкаваная асаблівая ўвага выкладчыкаў, ёю старанна апекаваліся. Пры гэтым яна дрэнна размаўляла па-расейску.Але ў адміністрацыі школы адмовіліся даваць інфармацыю пра сваіх навучэнцаў. Дарэчы, сёлета школьнага ўзросту дасягне і малодшы сын Бакіева.
У службе аховы, прыстаўленай да сям'і Бакіева, на ўсе пытанні радыё "Свабода" адносна адрасу жыхарства і статусу апальнага кіргізскага лідара абяцалі адказаць пасля "адпаведнага ўзгаднення".
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары