У Японіі працягваюць удакладняць колькасць ахвяраў некалькіх землятрусаў і цунамі. Па дадзеных агенцтва Kyodo, у выніку разгулу стыхіі загінулі і прапалі без вестак больш за 4,5 тыс. чалавек.
На ўзбярэжжы ў прэфектуры Міягі знойдзена прыблізна дзве тысячы целаў загінулых. Яшчэ каля тысячы чалавек былі знойдзеныя на паўвостраве Осіка, прыкладна такая ж колькасць целаў выяўлена на беразе ў мястэчку Мінамісанрыку, перадае «Газета.ru». Раней мясцовая адміністрацыя паведаміла, што пасля землятрусу і цунамі 10 тысяч жыхароў Мінамісанрыку, а гэта больш за палову насельніцтва гарадка, не выйшлі на сувязь. Японская паліцыя пакуль пацвердзіла 1597 выпадкаў гібелі людзей. Па афіцыйных дадзеных, знік без вестак 1481 чалавек.
Як паведамляе РІА «Новости», у прэфектуры Іватэ зніклі без вестак 8 тысяч чалавек. Па дадзеных міністэрства турызму, невядомы лёс і 2,5 тыс. турыстаў, якія знаходзіліся ў зоне бедства падчас землятрусу і цунамі. Раней кіраўнік паліцыі Міягі паведамляў, што лік загінулых ад землятрусу і цунамі толькі ў Міягі можа дасягнуць 10 тысяч чалавек.
Японскія ўлады эвакуявалі 450 тысяч чалавек з зоны бедства. На паўночным усходзе краіны зафіксаваны сур’ёзны недахоп вады, прадуктаў, бензіну.У прэфектурах Міягі, Фукусіма і Іватэ больш за трое сутак няма электрычнасці. Не працуе інтэрнэт і мабільная тэлефонная сувязь. У прэфектуру Міягі выехалі супрацоўнікі пасольства Расіі ў Токіа, каб высветліць, ці былі ў ліку загінулых і пацярпелых расійцы.
У Токіа, таксама пацярпелым ад землятрусу, становішча паступова нармалізуецца.Напярэдадні ў сталіцы адкрыліся зачыненыя ў дзень катастрофы крамы, запрацаваў грамадскі транспарт.
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары