Skončyŭsia piatnaccaty tur čempijanatu Biełarusi pa futbole.
Učora matčam mienskaha i bieraściejskaha «Dynama» skončyŭsia piatnaccaty tur čempijanatu Biełarusi pa futbole.
Tur staŭ admietny parazaj lidera čempijanatu BATE, jaki bliskuča pradstaŭlaje Biełaruś u Lizie čempijonaŭ. Barysaŭcy hulali ŭ Smurhoniach, dzie vystavili daloka nia samy aptymalny skład, za što i byli bitymi. Adziny hoł u hetaj hulni naprykancy pieršaha tajmu zabiŭ Parfionaŭ.
Parazaj BATE moh by skarystacca MTZ-RIPA, nabliziŭšysia da barysaŭcaŭ na adlehłaść vysunutaj ruki. Adnak «traktarazavodcy» nie zmahli pieramahčy kvoleńkuju «Darydu» - 1:1.
Z takim samym likam u Homieli ŭ matčy turu razyšlisia haspadary i salihorski «Šachcior». Mienskaje «Dynama», prajhrajučy paśla pieršaha tajmu dva hały svaim bieraściejskim adnaklubnikam, usio ž zmahło adyhracca – 2:2.
Astatnija matčy turu prynieśli nastupnyja vyniki: «Naftan» - «Nioman» 1:0, «Tarpeda» - «Dniapro» 2:0, «Viciebsk» - «Miensk» 1:0.
Turnirnaja tablica paśla piatnaccaci turaŭ vyhladaje nastupnym čynam: BATE – 33 punkty, MTZ-RIPA – 29, «Homiel» - 25, «Tarpeda» - 24, «Nioman» - 23, «Šachcior» - 22, «Viciebsk» - 20, «Naftan» - 19, «Smurhoni», «Dynama» (Miensk) – pa 18, «Dynama» (Bieraście) – 14, «Miensk», «Dniapro» - pa 11, «Daryda» - 10.
Najlepšym bambardziram źjaŭlajecca Raman Vasiluk («Homiel») – 17 hałoŭ.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary