Jašče 14 sakavika Alaksandr Łukašenka vypraviŭsia na pieramovy z Uładzimiram Pucnym u Pieciarburh. Ad taho času, pa ŭsioj imaviernaści, jaho jašče nie było ŭ Biełarusi. Pryčym paśla pa ŭsich mierkach zaciahnutych vizitaŭ u Sinhapur i Indaneziju adbyŭsia niečakany pieralot u Abjadnanyja Arabskija Emiraty — papularny zimovy turystyčny maršrut. Pa stanie na 26 sakavika kiraŭnik Biełarusi zastavaŭsia niedzie na bierahach Piersidskaj zatoki.
Na toje, što na dadzienym kirunku dziaržaŭny interas moža spałučacca z adpačynkam, śviedčyć choć by i toj fakt, što Alaksandra Łukašenku dahetul nie pryniaŭ kiraŭnik Abjadnanych Arabskich Emirataŭ, prezident Chalifa
«Takoje ŭražańnie, što ŭ Emiratach Alaksandr Łukašenka prajezdam dachaty, — skazaŭ radyjo «Svaboda» palityčny ahladalnik Raman Jakaŭleŭski. — I nie bolej za toje. Z Łukašenkam jašče ž 80 čałaviek razam. I heta śviedčyć pra toje, što Biełaruśsiu možna kiravać dystancyjna. I, akramia śniežnaj bury, u krainie ničoha nie zdaryłasia», — iranizuje sp. Jakaŭleŭski.
Naturalnaj zadačaj azijackaha turne bačycca nie tolki prodaž biełaruskaj pradukcyi — pryčym, jak pakazvaje prykład Mjanmy, vynik časta nieadpaviedny pakładzienym vysiłkam. Hałoŭnaj zadačaj moh być pošuk inviestaraŭ, hatovych kupić akcyi «Biełaruśkalija», MTS ci čahości inšaha, prydatnaha dla prodažu va ŭmovach, kali krainie treba znajści dadatkovyja srodki dla absłuhoŭvańnia zamiežnaj zapazyčanaści. U 2013 hodzie sumy vypłat pa zamiežnym doŭhu rekordnyja.
Biełaruskamu hramadstvu zastajecca raźvieści rukami i zapytacca, čamu pracoŭny hrafik hałoŭnaha čynoŭnika krainy zastajecca napaŭprazrysty.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki1
Kamientary