Paranienaja strełam u hałavu bajevikami Talibana 15-hadovaja pakistanskaja pravaabaronca Małała Jusafzaj padpisała kantrakt na 3 młn dalaraŭ za napisańnie miemuaraŭ.
Vyratavanaja birminhiemskimi daktarami junaja aktyvistka apisała siužet budučaj knihi jak historyju miljonaŭ dziaciej biez dostupu da adukacyi, paviedamlaje Bi-Bi-Si.
***
U pačatku 2009 h. u 11 hadoŭ Małała stała viadoma dziakujučy błohu, što jana pisała dla Bi-bi-si. U błohu jana padrabiazna raspaviadała pra svajo žyćcio pry režymie talibaŭ, pra ich sprobie ŭziać pad kantrol dalinu Svat i pra svaje pohlady na adukacyju dla dziaŭčynak.U kancy 2009 hoda pakistanskija vajennyja razharnuli poŭnamaštabny nastup suprać bajevikoŭ, što pryviało da vyhnańnia talibaŭ z daliny Svat. Małała Jusufzaj zaniała pieršaje miesca na štohadovaj Nacyjanalnaj pakistanskaj maładziožnaj premii miru za svajo apisańnie padziej u błohu.
9 kastryčnika 2012 Małała viartałasia dadomu z škoły na školnym aŭtobusie; aŭtobus byŭ spynieny ludźmi ŭ maskach i z zbrojaj. Adzin z bajevikoŭ zajšoŭ u aŭtobus i staŭ pytacca dziaciej, chto ź ich Małała Jusufzaj. Kali jaje asoba była vyśvietlena, talib dvojčy streliŭ u dziaŭčynku, patrapiŭšy ŭ hałavu i šyju.Adna z kul prajšła navylot i dźvie dziaŭčynki, jakija siadzieli zzadu Małały, taksama atrymali pa ahniastrelnym ranieńni. Małału dastavili ŭ krytyčnym stanie ŭ vajenny špital horada Piešavar. Paśla trochhadzinnaj apieracyi chirurham udałosia dastać kulu ź jaje mozhu. Dziaŭčynka była ŭ komie, šancy na jaje vyzdaraŭleńnie byli nievialikija.
Kali stan Małały staŭ stabilny, pakistanski ŭrad arhanizavaŭ dla jaje avijapieralot u Vialikabrytaniju. Dziaŭčynku vyratavali daktary ŭ Birminhiemie. Zaraz Małała Jusufzaj ź siamjoj žyvie ŭ Brytanii.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik29
Kamientary