Źmicier Šepieleŭ: Toje, što źjechaŭ nie ja adzin, — heta simptom
Były biełaruski žurnalist Źmicier Šepieleŭ usio čaściej sustrakaje svaich byłych kaleh u Kijevie i Maskvie.
Pra heta jon raskazaŭ u intervju ŭkrainskamu partału mignews.com.ua.
«Ja pamiataju, jak mnie kryčali niekatoryja z maich kalehaŭ, kali ja adjazdžaŭ pracavać u Kijeŭ: „Što, pacuk, biažyš? Paciahnuŭsia pa vialikija hrošy? Nu i jedź, pierabiežčyk!“ I što vy dumajecie? Usich biez vyklučeńnia hetych ludziej praź niejki čas ja sustreŭ u Kijevie ci Maskvie. A toje, što źjazdžaju nie adzin ja, na žal, užo simptom», — kaža Šepieleŭ.
Žurnalist raskazaŭ, što pracavać na telebačańni ŭ Biełarusi niemahčyma.
«Na žal, mnie tam niama čym zajmacca, bo tam niama kamiercyjnaha telebačańnia — tolki dziaržaŭnaje», — skazaŭ jon.
Taksama Źmicier Šepieleŭ, jaki žyvie ŭ Maskvie ŭžo piać hadoŭ, pryznaŭsia, što jamu nie raz prapanoŭvali rasijskaje hramadzianstva.
«Maje najbližejšyja siabry — ź Mienska, ź imi ja ros i vučyŭsia va ŭniviersitecie. Jość jašče paračka žurnalistaŭ z Kijeva, ź jakimi ja pasiabravaŭ za ŭvieś čas pracy tut. Maskvičom siabie nie adčuvaju, bolš za toje, nie adčuvaju siabie navat rasijcam. Ja nie płanuju admaŭlacca ad biełaruskaha hramadzianstva, niahledziačy na składanaści, jakija maju ad svajho rodnaha siniaha pašparta. Nie budu chavać, mnie prapanoŭvali pryniać rasijskaje hramadzianstva, ale ja admoviŭsia, tamu što dla mianie heta pryncypova», — skazaŭ jon.
U Biełarusi žurnalist pracavaŭ na
Kamientary