Vysłuchaŭšy mierkavańnie kiraŭnictva Ministerstva kultury, jon spytaŭ: «Heta značyć, jany nie hatovyja, jak na Zachadzie, zarablać hrošy na svajo isnavańnie?» Atrymaŭšy adkaz ab tym, što teatr nie zmoža całkam isnavać bieź biudžetnaha finansavańnia, Łukašenka skazaŭ: «Dobra, davajcie zapłacim 15%, a astatniaje chaj zarablajuć sami. Tady jany pačnuć varušycca», — zajaviŭ jon, daručyŭšy padrychtavać adpaviednuju prapanovu pa dadzienym pytańni.«Davajcie damo mahčymaść im zarablać, vyzvalim ad padatkaŭ», — adznačyŭ kiraŭnik u piatnicu, naviedvajučy teatr i znajomiačysia z vynikami jaho rekanstrukcyi.
«Heta dzie „na Zachadzie“ jon ubačyŭ samaakupnyja nacyjanalnyja teatry? — zadajecca pytańniem u svaim Fejsbuku Mikałaj Chalezin. —
Choć na Zachadzie, choć na Uschodzie — nie isnuje ŭ nivodnaj krainie śvietu samaakupnych nacyjanalnych teatraŭ.Navat u niezaležnych bujnych teatraŭ finansavańnie składajecca z troch krynic: tracina — prodaž kvitkoŭ; tracina — dapamoha niezaležnych finansavych donaraŭ; tracina — dapamoha dziaržavy.
Lepić aby što, a ludzi dumajuć — i praŭda, a čamu „na Zachadzie“ mohuć teatry sami na siabie zarablać, a ŭ nas niama? I sapraŭdy. Trymaješ trupu ŭ 60 čałaviek, techničnyja słužby — plus jašče stolki ž, materyjały zakuplaješ dla dekaracyj, płaciš za śviatło, transpart, pasłuhi suviazi, za raźmiaščeńnie rekłamy, apłačvaješ kamunałku — śviatło, vadu, aciapleńnie, robiš biahučyja ramonty. I ŭsio heta za pradadzienyja pa try dalary kvitki.
Kali kraina nie ŭ stanie ŭtrymlivać navat nacyjanalny dramatyčny teatr, značyć mieniedžeraŭ u śfiery kultury para sadžać u turmu.Miej narmalnyja adnosiny z pradstaŭnikami jeŭrapiejskich struktur, kamunikuj z bujnymi fondami, fiestyvalami, kulturnymi apieratarami, stvary ŭłasnuju fandrajzinhavuju strukturu, i pytańnie ź finansavańniem teatra zakryješ. Tolki voś biada — rabić hetaha niama kamu, za stolki hadoŭ nivodnaha śpiecyjalista nie vychavali.
Nu, kali treba arhanizavać praces finansavańnia nacyjanalnaha teatra, chaj Ministerstva kultury źviartajecca da nas — Svabodny teatr hetuju prablemu vyrašyć na praciahu paŭhoda. I nie takija vyrašali».
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club3
Kamientary