Supracoŭniki čyhunačnaha RAUS Viciebske zatrymali viadomaha pravaabaroncu Valera Ščukina, kali jon źbiraŭ achviaravańni na vypłatu maralnaj škody Tacianie Bujevič, jakaja padčas vybarčaj kampanii ŭ miascovyja saviety vykonvała abaviazki sakratarki pry staršyni abłasnoj kamisii.
Supracoŭniki čyhunačnaha RAUS Viciebska zatrymali viadomaha pravaabaroncu Valeryja Ščukina, kali jon źbiraŭ achviaravańni hramadzianaŭ na vypłatu maralnaj škody Taćcianie Bujevič, jakaja padčas vybarčaj kampanii ŭ miascovyja saviety vykonvała abaviazki sakratarki pry staršyni abłasnoj kamisii.
Sud pa zajavie hramadzianki Bujevič paličyŭ, što Ščukin, jaki chacieŭ trapić na adkrytaje pasiadžeńnie hetaj kamisii, jaje abraziŭ. I jaho nakiravali ŭ IČU na śviaty Novaha hoda i Rastva Chrystova. A ŭ červieni pa vynikach razhladu kryminalnaj spravy za źniavahu toj ža Bujevič i jašče troch čalcoŭ akruhovaj kamisii Ščukinu prysudzili spłacić vałanciorcy vybarčaj kamisii 250 tysiačaŭ rubloŭ za maralnuju škodu. Hetkich hrošaj piensijanier nie maje i tamu vymušany byŭ pajści pa dapamohu da dobrych ludziej.
Siońnia jon vyjšaŭ na pierachodny most praz čyhunačnyja rejki pobač z padjezdam doma, dzie žyvie Bujevič, i pačaŭ raspaŭsiudžvać zvarot da hramadzianaŭ ab akazańni «65‑hadovamu piensijanieru Valeryju Ščukinu finansavaj dapamohi dziela vypłaty 37‑hadovaj Taćcianie Bujevič srodkaŭ na maralnyja traty». Sabrać jon paśpieŭ tolki 1200 rubloŭ, jak pa sihnale niejkaha pilnaha mieściča, a moža, i maci Bujevič, jakaja vychodziła pahladzieć, što adbyvajecca, źjaviŭsia patrul. Była vyklikana mašyna — i pravaabaroncu advieźli ŭ pastarunak. Adnak ničoha kramolnaha va ŭlotcy znajści nie zdoleli i praź dźvie hadziny adpuścili. Adno paprasili, kab były deputat Viarchoŭnaha śvieta nie raspaŭsiudžvaŭ zvarot, a prosta stajaŭ by z praciahnutaj rukoj ci kapialušam, bo zabaranić žabravać nichto nie moža.
Ciapier čytajuć
«Ja asasin, bł*!» Ekśpiert-juryst z STB nieadekvatna pavodziŭ siabie na Zybickaj. Videa sabrała miljony prahladaŭ — chto jon7
Kamientary