Hramadzianka Polščy, jakaja nie moža vyjechać ź Biełarusi, abjaviła haładoŭku
Hramadzianka Polščy Tereza Stšelec, jakoj zabaronieny vyjezd ź Biełarusi, abjaviła ŭ budynku polskaha konsulstva ŭ Breście haładoŭku, paviedamlaje Polskaje radyjo.
Stšelec pratestuje nie tolki suprać niezakonnych dziejańniaŭ biełaruskich uład, ale taksama
Nahadajem, 20 sakavika stała viadoma, što ŭžo dva tydni hramadzianku Polščy Terezu Stšelec nie vypuskajuć ź Biełarusi — ad jaje patrabujuć zapłacić padatak i pošlinu za jaje ž aŭtamabil, raniej kanfiskavany i pradadzieny na padstavie rašeńnia biełaruskaha suda.
Stšelec hod tamu pabyvała ŭ Biełarusi na ekskursii i pakinuła tut svaju mašynu, jakaja sapsavałasia ŭ darozie.Biez dazvołu Stšelec aŭtamabilem karystaŭsia syn miechanika, jaki ramantavaŭ mašynu. Syna zatrymała milicyja, a mašynu kanfiskavali i pieradali na skład mytni.
U studzieni sud pastanaviŭ, što aŭtamabil pavinien być viernuty ŭładalnikam, ale jašče da pačatku sudovaha pracesu mytniki pradali mašynu Stšelec.
Zaraz jany zajavili ab hatoŭnaści viarnuć hrošy za aŭtamabil, ale adnačasova zapatrabavali ad hramadzianki Polščy zapłacić 173,3 młn. rubloŭ — štrafnyja sankcyi za toje, što transpartny srodak nie byŭ vyviezieny va ŭstanoŭlenym paradku i va ŭstanoŭleny termin z terytoryi Respubliki Biełaruś i pieni za jaho niavypłatu.
Stšelec admoviłasia płacić, i biełaruski bok anulavaŭ jaje vizu, nie dazvoliŭšy vyjechać z krainy.
Pasolstva Polščy adpraviła ŭ MZS Biełarusi dypłamatyčnuju notu ab losie zatrymanaj.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary